Նավթի համաշխարհային գներն այսօր

Ուրբաթ առավոտյան նավթի համաշխարհային գները պահպանել են դրական դինամիկան՝ հույսով, որ նավթ արդյունահանող երկրները նավթային շուկային աջակցելու համար կարող են համաձայնության գալ արդյունահանումը կրճատելու հարցում՝ վկայում են առևտրի տվյալները: Այս մասին հայտնում է RIA Novosti-ն: Երևանի ժամանակով ժամը 18:50-ի դրությամբ Brent հյուսիսծովյան նավթային խառնուրդի ապրիլյան ֆյուչերսների արժեքը աճել է 1,09%-ով՝ մեկ բարելի դիմաց մինչև 35,2 դոլար: WTI տեսակի նավթի մարտյան ֆյուչերսների արժեքը աճել է 1,19%-ով՝ 1 բարելի դիմաց մինչև 33,62 դոլար: Հինգշաբթի Ռուսաստանի էներգետիկայի նախարար Ալեքսանդր Նովակը հայտնել է, որ Ռուսաստանը փետրվարին պատրաստ է հանդիպել ՕՊԵԿ-ի երկրների և մյուս նավթ արտադրողների հետ՝ նավթի գների և արդյունահանման ծավալների հնարավոր նվազեցման հարցով: Միաժամանակ ՕՊԵԿ-ում հայտնել են, որ այդպիսի հանդիպում առայժմ նախատեսված չէ: