Նոր մանրամասներ Գագիկ Բեգլարյանի որդու հարսանիքից. Խոհարարների մրցույթ,75 մլն է ծախսվել

«Տրանսպորտի և կապի նախկին նախարար Գագիկ Բեգլարյանի որդու հարսանիքի մասին «Հրապարակին» նոր տեղեկություններ են հայտնի դարձել։ Մեր աղբյուրների փոխանցմամբ՝ հարսանյաց արարողության համար ծախսվել է մոտավորապես 75 մլն դրամ։Հարսանյաց արարողության համար նախօրոք խոհարարների մրցույթ է եղել և, այսպես ասած, ընտանեկան ժյուրին համտեսով որոշել է, թե որ հանրաճանաչ ռեստորանի խոհարարները պետք է ապահովեն արարողության ուտեստային մասը։ Ասում են՝ մրցույթում «չի հաղթել» հանրաճանաչ ռեստորաններից մեկի շեֆ խոհարարը։ Մրցույթում «հաղթել» է երեք խոհարար։ Նրանցից մեկը պատասխանատու է եղել մսային, մյուսը՝ ձկնային ու ծովային, երրորդը՝ աղցանների համի ու որակի համար։ Հարսանյաց սեղանին, ավանդական խորովածից ու ձկից բացի, եղել են ծովային ուտեստներ։ Մինչ արարողությունը, սակայն, խոհարարներից մեկն առաջարկել է կրճատել ուտեստների թիվը, քանզի հարսանյաց արարողությունների ժամանակ երեք ուտեստը լիովին բավարար է։ Սակայն ընտանեկան ժյուրին հորդորել է նրան զբաղվել իր գործով. «Ձեզ ոնց ասում ենք՝ տենց արեք»։ Մինչդեռ խոհարարի կանխատեսումն իրականացել է՝ պատվիրված ուտեստների մեծ մասին հյուրերն ուղղակի ձեռք չեն տվել։ Ի  դեպ,   ըստ   տեղեկությունների,  ՀՀԿ-ի գործադիր մարմնում հնարավոր է՝  Գագիկ Բեգլարյանը չվերընտրվի»,–գրում է թերթը։   Մանրամասները՝ թերթի այսօրվա համարում։