Հայաստանում Ճանապարհային ոստիկանությունը հաճախ տուգանում է վարորդներին ոչ վտանգավոր արարքների համար, փոխարենը, սակայն, աչք է փակում վարորդների եւ երթեւեկության այլ մասնակիցների իրապես վտանգավոր իրավախախտումների վրա: Հիշատակել էինք նաեւ տեխզննության բացակայության խնդիրը եւ նշանների ու լուսացույցների ժամկետն անց ստանդարտները:
Երեւանի քաղաքապետարանը. հետիոտնները
Երեւանը հանրապետության ամենամեծ տրանսպորտային հանգույցն է, ուր տեղի են ունենում վրաերթերի մեծամասնությունը, մահացու վթարների առյուծի բաժինը, եւ միակ քաղաքն է, ուր վարորդները ժամեր են սպանում խցանումներում: Այս պատճառով դժվար է թերագնահատել Երեւանի քաղաքապետարանի լիազորություններն ու դերը՝ կապված Հայաստանում ճանապարհային երթեւեկության անվտանգության հետ… Թեեւ այն, ինչ կասենք, մասամբ տեղին կլինի նաեւ այլ քաղաքների համար:
Մսխումը: Քաղաքապետարանի թիվ մեկ խնդիրը պետք է լինի հետիոտնների անվտանգության բարձրացումը: Սակայն դրա լուծման ուղղությամբ իրականացվող միակ գործառույթը վերգետնյա անցումներն են, որոնք Երեւանում արդեն ավելի շատ են, քան բազմաթիվ ավելի մեծ քաղաքներում:
Բանն այն է, որ վերգետնյա հետիոտնային անցումը լուրջ շինարարություն է, որը, որպես կանոն, զուգորդվում է «ատկատներով» ու կոռուպցիոն այլ մսխումներով: Սակայն կան հետիոտնների կյանքը անվտանգ դարձնելու բազմաթիվ այլ միջոցներ, որոնք բյուջեի վրա միլիոններ չեն նստում:
Լուսավորություն: Հետիոտնների անվտանգության ապահովման առաջին քայլը, որ պետք է անի քաղաքապետարանը, բոլոր կարգավորվող ու չկարգավորվող հետիոտնային անցումների ուժեղ լուսավորումն է: Էներգախնայող դիոդային լույսերի այս դարում դա բավականին էժան է: Քանի դեռ Ճանապարհային ոստիկանությունը գիշերը վրաերթները պակասեցնելու համար պայքարում է մգեցված հողմապակիների դեմ, Երեւանի քաղաքապետարանը ոչինչ չի անում հետիոտնային անցումները լրացուցիչ լուսավորմամբ կահավորելու համար:
Լրացուցիչ լուսավորվածությունը ոչ միայն հնարավորություն կտա, որ վարորդները հեռվից տեսնեն հետիոտնին, այլեւ լրացուցիչ մոտիվացիա կստեղծի, որ հետիոտնները փողոցն անցնեն հենց այդ հատվածում: Այս քայլին գնացել են հետխորհրդային բազմաթիվ մայրաքաղաքներ: Անգամ պատերազմող ու խիստ աղքատացած Ուկրաինայի բազմաթիվ քաղաքներում հետիոտնային անցումների վրա 2015 թվականից սկսած տեղադրում են լրացուցիչ լուսավորություն… Բոլոր այդ քաղաքներում միանգամից դիտվում է վրաերթերի վիճակագրության կտրուկ անկում:
Դանիել ԻոաննիսյանԱմբողջությամբ կարող եք կարդալ «Հայկական Ժամանակ» թերթի այսօրվա համարում:
Մայիսի 15-ին՝ ժամը 15։00-ին, Հայելի ակումբի հյուրն է Դերենիկ Մալխասյանը
Մայիսի 15-ին՝ ժամը 14։00-ին, Հայելի ակումբի հյուրն է Հայկ Այվազյանը
Մայիսի 15-ին՝ ժամը 11։30-ին, Հայելի ակումբի հյուրն է Հայկ Նահապետյանը
Մայիսի 15-ին՝ ժամը 10։30-ին, Հայելի ակումբի հյուրն է Վոլոդյա Հովհաննիսյանը
Մայիսի 14-ին՝ ժամը 12։00-ին, Հայելի ակումբի հյուրն է Աշոտ Անդրեասյանը
Մայիսի 14-ին՝ ժամը 16։00-ին, Հայելի ակումբի հյուրն է Հենրիխ Դանիելյանը
Մայիսի 14-ին՝ ժամը 15։00-ին, Հայելի ակումբի հյուրն է Հրանտ Մելիքյանը
Մայիսի 14-ին՝ ժամը 13։00-ին, Հայելի ակումբի հյուրն է մուլտիպլիկատոր Դավիթ Սահակյանցը
Մայիսի 14-ին՝ ժամը 14։30-ին, Հայելի ակումբի հյուրն է Էլյանորա Մանանդյանը
Մայիսի 13-ին՝ ժամը 13։00-ին, Հայելի ակումբի հյուրն է Երևանի Արաբկիր համայնքի նախկին ղեկավար Հովհաննես Շահինյանը
Հետևեք մեզ Viber-ում
