Գյուլենի հետքերով

Թուրքիայի իշխանությունները երկրի Ազգային հետախուզական ծառայությունից հեռացրել են 87 աշխատակցի, որոնք կասկածվել են իսլամիստ քարոզիչ Ֆեթհուլլահ Գյուլենի կազմակերպության հետ կապեր ունենալու համար: Ինչպես հայտնում է Anadolu գործակալությունը, աշխատանքից ազատված 87 աշխատակիցներից 52-ի նկատմամբ հարուցվել են քրեական գործեր։ Ստուգումները հետախուզական կազմակերպությունում շարունակվում են։ Գործակալությունը նշում է, որ ներկայումս թուրքական իշխանությունները կարողացել են ստուգել 100 հետախույզի, այն ժամանակ, երբ ձախողված հեղաշրջման փորձից հետո որոշվել էր ստուգել գերատեսչության 141 աշխատակցի։