75 մլրդ բերում եք Երեւան, հետո նորից՝ տանում.Հրանտ Բագրատյան

ԱԺ արտահերթ նիստում «Համայնքների ֆինանսական համահարթեցման մասին» հարցը ներկայացրեց  Տարածքային կառավարման եւ զարգացման նախարարի առաջին տեղակալ Վաչե Տերտերյանը.«Այս նախագծի շնորհիվ դոտացիաների ներդաշնակ ու համաչափ բաշխում է իրականացվում համայնքների միջեւ: Տասը տարվա ընթացքում այս գործընթացը հնարավոր է եղել իրականացնել սահուն, կանխատեսելի գործընթաց, որեւէ դժվարություն չի նկատվել: Այս համակարգի հիմքում պարզ սկզբունք է՝ դոտացիաները բաշխվել են ըստ եկամուտների՝ մեկ շնչին ընկնող, ըստ բնակչության թվաքանակի: Առաջակում ենք նաեւ նոր լուծումներ՝ համայնքները տարբերակել, իդենտիֆիկացնել, քանի որ վերոնշյալ երկու գործոնը ամբողջովին չի ներկայացնում համայնքների առանձնահատկությունները, հատկապես նրանց ծախսերի հետ կապված անհրաժեշտությունները: Դրա համար այս նախագիծն ենք բերել, որով դոտացիաների հաշվարկման բազմագործոն համակարգ ենք առաջարկում»: «Այս նախագիծը հակասում է Սահմանադրությանը: Սահմանադրությունը չի ասում, որ համայնքներին հողի ու գույքի հարկը պետք է դուք ամրագրեք, այդ դուք եք բյուջեով գրում: Համայնքների բյուջեի ֆինանսական ռեսուրսները կազմում են 25 տոկոս, մնացածը բերում են Երեւանից՝ դոտացիաների տեսքով: Միգուցե հակառա՞կն անեիք ու Երեւանից քիչ ստանային: Այս օրենքը ամբողջովին խառնաշփոթ է. դուք խրախուսում եք ներքին արտագաղթը՝ համայնքը պետք է մտածեր իր անդամներին իր մոտ պահելու մասին: Դուք չեք բերում օրենք, որ բնակչին համայնքը պահի իր մոտ »,փոխնախարարի հետ չհամաձայնեց ՀԱԿ խմբակցության անդամ Հրանտ Բագրատյանը: «Ոչ մի հակասություն չկա:  Համայնքների բյուջեները ոչ մի կերպ համադրելի չեն ՀՀ պետական բյուջեից ստանալիք գումարների հետ: Նման խնդիրն ունենք, մենք բազմիցս ենք այդ մասին հայտարարել »,-պատասխանեց Վաչե Տերտերյանը Հրանտ Բագրատյանին չբավարարեցին նրա պատասխանները. «Շատ սիրուն չպատասխանեցիք հարցին՝ 75 մլրդ դրամ բերում եք Երեւան հետո՝ տանում նորից համայնք: Շահութահարկի տասը-քսան տոկոսը թողեք համայնքին: Ասում եք՝ հնարավորություն չկա՝ մեզնից չի՞ դա կախված, նույն փողն է: Խոշորացումից հետո, որին ես դեմ եմ եղել միշտ, համահարթեցման խնդիրը ուժեղացել է»: Համայնքների խոշորացմանը միշտ կողմ եմ  եղել, քանի որ կառավարման տեսանկյունից արդյունք է բերում, իսկ համահարթեցման արդյունքում խնդիրը թուլանում է,հայտարարեց փոխնախարար Տերտերյանը: