Չավուշօղլուն` թուրքական զինուժի կարողությունների մասին

Թուրքիայի արտաքին գործերի նախարար Մևլութ Չավուշօղլուն հայտնել է, որ Սիրիայի տարածքում իրականացվող «Եփրատի վահան» ռազմական գործողության շրջանակներում թուրքական զինված ուժերը կարող են դեռ 45կմ խորությամբ ավելի առաջ շարժվել: Թուրքական իշխանամետ «Sabah» թերթի կայքի տեղեկացմամբ՝ արտգործնախարարն այս մասին հայտարարել է ֆրանսիացի լրագրողների հետ հանդիպման ժամանակ: «Նախնական կարող ենք 45կմ առաջ շարժվել, ստիպված ենք առաջ գնալ Մամբիջիհատվածը փակելու համար: Մենք հարկադրված ենք փակել մեր սահմանները ահաբեկչության սպառնալիքի առջև»: Ըստ Չավուշօղլուի՝ առաջխաղացումից հետո այդ հատվածը դե ֆակտո անվտանգության գոտի կարող է դառնալ՝ մոտ 5.000 քառակուսի կիլոմետր տարածքով: