Թայսոն Ֆյուրին դեպրեսիայի պատճառով հրաժարվել է Կլիչկոյի հետ ռեւանշ մենամարտից

Պրոֆեսիոնալ բռնցքամարտի գերծանր քաշային կարգում WBA, WBO, IBF, IBO վարկածներով աշխարհի նախկին չեմպիոնՎլադիմիր Կլիչկոն զրկվել էԹայսոն Ֆյուրիի հետ ռեւանշ մենամարտից, գրում է Daily Mail-ը: Ուկրաինացի 40-ամյա բռնցքամարտիկը WBA եւ WBO վարկածներով աշխարհի չեմպիոն Ֆյուրիի հետ պետք է հանդիպեր հոկտեմբերի 29-ին Մանչեսթերում, սակայն բրիտանացին հրաժարվել է մենամարտից: Թայսոն Ֆյուրին նման որոշում է կայացրել դեպրեսիայի կրկնության պատճառով: Նա նախկինում եւս այդպիսի խնդրի առաջ կանգնել է տարբեր պատճառներով, այդ թվում՝ անձնական խնդիրների ու մոտիվացիայի պատճառի: Հիշեցնենք, որ Ֆյուրիի եւ Կլիչկոյի ռեւանշ մենամարտը պետք է տեղի ունենար հուլիսի 9-ին Մանչեսթերում, սակայն բրիատանացու վնասվածքի պատճառով այն հետաձգվել էր մինչեւ հոկտեմբեր: Ֆյուրին ուկրաինացուն հաղթել էր նախորդ տարվա նոյեմբերին Դյուսելդորֆում: Մինչեւ այդ Վլադիմիր Կլիչկոն չէր պարտվել 11 տարի: