Պերուի անսովոր շրջանակները

Երկրաբանները հնդկացիների հնագույն Կվիլկապամպա քաղաքի մոտակայքում բազմաթիվ նոր գեոգլիֆներ՝ երկրի վրա պատկերված երկրաչափական կամ կերպարային պատկերներ են հայտնաբերել: Հետազոտության մասին հոդվածը հրապարակվել է Journal of Archaelogical Science ամսագրում, գրում է gazeta.ru-ն: Պերուում հնագույն քաղաքի շրջակայքի ուսումնասիրության ժամանակ հետազոտողները համակցել են արբանյակային լուսանկարահանման, անօդաչու թռչող սարքերից արված լուսանկարների և ցամաքում արված դիտարկումների արդյունքները: Իրականացված աշխատանքի արդյունքում գիտնականները քարտեզի վրա են տեղադրել բազմաթիվ նոր, նախկինում անհայտ կլոր գեոգլիֆներ: Դրանցից մի քանիսը եղել են պարզապես կլորակներ, սակայն հանդիպել են նաև ավելի բարդ պատկերներ: Բացի այդ, որոշ պատկերների ներսում կամ շուրջը հետազոտողները հայտնաբերել են քարերի կույտեր: