Ինչպիսի ուսանողներ էին աշխարհի ամենահարուստ մարդիկ/տեսաշար/

Wnews.am-ը ներկայացնում է աշխարհի ամենահարուստ մարդկանց ուսանողական տարիների լուսանկարներն ու նրանց կրթությունը։   Բիլլ Գեյթս. Microsoft-ի հիմնադիրը, ով իր 79,2 մլրդ դոլար կարողությամբ գլխավորում է աշխարհի ամենահարուստ մարդկանց ցուցակը, սովորել է Հարվարդի համալսարանում։ 1973թ. նա ընդունվել է իրավաբանական ֆակուլտետը, սակայն առաջին կուրսի ավարտից հետո ընտրել է ծրագրավորողի մասնագիտությունը, որով հետաքրքրված էր  13 տարեկանից։  1974 թ. նա թողել է համալսարանը։ Հետաքրքիր փաստ.Հարվարդում Գեյթսը ծանոթացել է Սթիվ Բալմերի հետ, ով հետագայում նրան փոխարինել է  Microsoft-ի գլխավոր տնօրենի պաշտոնում։ Ջեֆֆ Բեզոս. Amazon.com-ի հիմնադիր եւ տնօրեն։ Աշխարհի ամենահարուստ մարդկանց վարկանիշային ցանկում 15-րդն է եւ ունի 34,8 մլրդ կարողություն։ Նա ավարտել է Փրինսթոնյան համալսարանը։ Ջեֆֆը պատրաստվում էր զբաղվել ֆիզիկայով, սակայն արդյունքում  1986-ին ավարտեց Փրինսթոնյան համալսարանի էլեկտրոտեխնիկայի եւ ինֆորմատիկայի ֆակուլտետը։ Հետաքրքիր փաստ. Նա ուսանողական բարձր վարկանիշ ունեցող   Phi Beta Kappa եւ Tau Beta Pi ակումբների անդամ էր, ինչպես նաեւ եղել է  Students for the Exploration and Development of Space միջազգային  կազմակերպության Փրինսթոնյան բաժնի ղեկավար։ Մարկ Ցուկերբերգ. Facebook-ի հիմնադիր Ցուկերբերգը աշխարհ ամենահարուստ մարդկանց թվում 16-րդն է եւ ունի  33,4 մլրդ դոլարի կարողություն։ Նա սովորել է Հարվարդի համալսարանում։ 2002 թ. Մարկն ընդունվել է հոգեբանության ֆակուլտետը զուգահեռ այցելել նաեւ ծրագրավորման կուրսերի։ Համալսարանը թողել է  2004 թվականին։ Միխայիլ Ֆրիդման. «Альфа-групп» եւ Letter One-ի հիմնադիր։ Ամենահարուստ մարդկանց ցուցակում զբաղեցնում է  68-րդ տեղը։ Նա ունի 14,6 մլրդ դոլարի կարողություն։ Ավարտել է Մոսկվայի պողպատի և համաձուլվածքների ինստիտուտը (МИСИС)։ Ավարտել է գունավոր մետաղների ֆակուլտետը։ Հետաքրքիր փաստ. նա երկու տարի շարունակ դիմել է Մոսկվայի ֆիզիկա-տեխնոլոգիական համալսարան, սակայն հրեական ծագման պատճառով չի ընդունվել։ Վլադիմիր Պոտանին. լուսանկարում աջ կողմից առաջինը «Интеррос»ընկերության հիմնադիր եւ նախագահ Վլադիմիր Պոտանինը, ով գլխավորում է Ռուսաստանի ամենահարուստ մարդկանց ցուցակը եւ ունի 15,4 մլրդ դոլարի կարողություն, ավարտել է Միջազգային հարաբերությունների Մոսկվայի պետական ինստիտուտը։ 1983 թ. նա ավարտել է ինստիտուտի միջազգային տնտեսական հարաբերությունների ֆակուլտետը։ Հետաքրքիր փաստ. նա Լեոնիդ Բրեժնեւի թոռան համակուրսեցին է։