ՀՀԿ-ն ընդդիմություն է պահանջում. տեսանյութ

«Ես ողջունել և ողջունում եմ վարչապետի նշանակումը: Վարչապետ Կարեն Կարապետյանի նշանակումը դրական սպասելիքներ է առաջացրել մեր հասարակության մեջ: Դա հասկանալի է իր աշխատանքային փորձից, գիտելիքներից, մարդկային որակներից: Եթե ոչ օր առաջ այդ խնդիրներին լուծում կտրվի, ապա գոնե այն տեսլականը, որ կներկայացվի, կցուցադրի, թե ինչպես և ինչ ժամկետներում հնարավոր կլինի իրագործել»,- այս մասին Հայելի ակումբում ասաց ՀՀԿ խմբակցության անդամ Լևոն Մարտիրոսյանը: Անդրադառնալով հանրապետության մի շարք համայնքներում տեղի ունեցած ՏԻՄ ընտրություներին,պատգամավորը համոզմունք հայտնեց, որ որքան էլ որոշ համայնքերում ընդդիմադիր քաղաքական ուժերի ներկայացուցիչները հաջողություն գրանցած լինեն, միևնույն իշխանություններին հավասար ռեսուրսներ չունեն: «Ոչ միայն ՏԻՄ ընտրությունների կոնտեքստում, այլև՝ առհասարակ, ընդդիմադիր ուժերը չունեն հավասարաչափ ռեսուրսներ, որոնք ունի իշխող քաղաքական ուժը: Մինչև ընդդիմությունը չունենա համապատասխան ռեսուրսներ, մեր ժողովրդավարությունը կատարյալ չի լինի ու չի կայանա: Մենք պետք է ունենանք համարժեք ընդդիմադիր ուժ` գոնե մեկը կամ երկուսը: ՏԻՄ ընտրությունների արդյունքներով` կարող է մեկ կամ երկու համայնքում մեկ կամ երկու ընդդիմադիր ուժ հաղթել: Այդպես եղել է նաև անցյալում: Իշխող ուժը չունի կոնկրետ մրցակից»,- շեշտեց պատգամավորը: