Ամենաշատ ընտրախախտումներն Ապարանում են

Քաղաքացի դիտորդ նախաձեռնությունը այսօր հանրապետության հինգ մարզերում տեղի ունեցող ՏԻՄ ընտրություններում դիտորդական առաքելություն է իրականացնում։ Ժամը 11:00-ի դրությամբ հաղորդվում է 112 խախտման մասին 10 ընտրատեղամասերում։ Ընդհանւոր առմամբ խախտումների ամենամեծ թիվ են կազմում Տեղամասային ընտրական հանձանժողովի գործողությունների կազմակերպման կարգի խախտումը(40.2 %): Երկրորդ տեղում ընտրողների կուտակումներն են (12.5 %)` ավելի քան 15 ընտրողի միաժամանակ գտնվելը տեղամասում: Արձանագրվել են նաեւ  քվեարկության գաղտինության խախտում(5.4 %), ընտրատեղամասի սխալ կահավորում (12.5 %), տեղամասի անմատչելիություն/անհասանելիություն սայլակով տեղաշարժվողների համար (8.9 %), ընտրողների ուղղորդում տեղամասում և տեղամասից դուրս (6.3 %) եւ այլն: Այս պահին խախտումների առումով առաջին տեղում է  14/1 ընտրատեղամասը` Ապարանի ավագ դպրոցը` 34 խախտման դեպք: