Չկա Հովիկ Աբրահամյանի կադր. Շարմազանով

Կլինեն փոփոխություններ Հայաստանի կառավարության կազմում,ՀՀԿ ԳՄ նիստից հետո լրագրողների հետ զրույցում նշեց  ԱԺ փոխնախագահ, ՀՀԿ մամուլի քարտուղար Էդուարդ Շարմազանովը։ «Օրենքով սահմանված ժամկետներում կներկայացնեն կառավարության թեկնածուներին։  Հաշվի առնելով, որ քննարկումները շարունակվում են, անուններ հրապարակելը կոռեկտ չէ»,- ասաց Շարմազանովը՝ հավելելով, որ էական փոփոխություններ լինելու են։ «Կլինի նաեւ կառավարության ծրագիրը, կներկայացնենք ձեր դատին»։ Նրա խոսքով, վարչապետ Կարեն Կարապետյանը կունենա լուրջ գործառույթներ նաեւ ազատություն, որ կյանքի կոչի այն իդեաները, որոնք համար նա նշանակվել է վարչապետ։ Լրագրողներից մեկի հարցին,թե  նոր կառավարությունում Հովիկ Աբրահամյանի կադրերը կլինե՞ն, թե չէ, նա պատասխանեց. «Ես ուզում եմ ձեզ ասել, որ չկա Տիգրան Սարգսյանի, Հովիկ Աբրահամյանի եւ այլ կադրեր: Կա ՀՀԿ-ի միասնական թիմ: Թե՛ Տիգրան Սարգսյանը, թե՛ Հովիկ Աբրահամյանի կառավարությունը, թե՛ Կարեն Կարապետյանի կառավարությունը, մենք բոլորս մեկ քաղաքական թիմ ենք եւ այդ մեկ քաղաքական թիմն ունի մեկ առաջնորդ՝ Սերժ Սարգսյան»։