Թևան Պողոսյանը՝ Գլխավոր դատախազի քվերակության մասին
Այսօր՝ սեպտեմբերի 15-ին, ԱԺ շարունակում է իր աշխատանքները: «Ժառանգության» պատգամավոր Թևան Պողոսյանն իր կարծիքը հայտնեց գլխավոր դատախազի թեկնածու Արթուր Դավթյանի վերաբերյալ: «Ես էլ եմ ելույթ ունեցել և իմ ելույթում արտահայտել իմ մտահոգությունները, այն, ինչ կցանկանայի լսել: Հարցերը և խնդիրները, որոնք բարձրացրել էի, խնդրում էի տեղում մոտեցումները ներկայացնել: Այնպես, որ հասկանալի է, թե իմ վերաբերմունքն ինչպիսին է լինելու: Ամեն մեկն ազատ է իր քվերկության մեջ, այստեղ ոչ ոք չի կարող բռնանալ: Գործընթացը, որ այստեղ գնում է 4 տարի է նույն իրավիճակով անցնում է, մարդիկ գալիս են, նշումներ են անում: Ցավոք սրտի, հանձնաժողովի քվեաթերթիկն ապագայում պետք է փոխվի, որովհետև այսպես ասած, մի քիչ բնույթով կարող է ոչ ճիշտ ընկալման խնդիրներ տալ, բայց վստահ եմ, որ կհաշվարկվեն տվյալները, կասվեն, մինչև հիմա մեծ «սյուրպրիզներ» չեն եղել: Երբ մեծամասնությունը թեկնածություն է առաջարկում ապահովվում է այնքան ձայներ, որ բավական լինի անցկացնելու համար»,-ասաց պատգամավորը:
Հետևեք մեզ Viber-ում
