Կարեն Կարապետյանը Տարոն Մարգարյանին չմերժեց

Կառավարության այսօրվա նիստում միայն Երևանի քաղաքապետ Տարոն Մարգարյանը նախագիծը ներկայացնելուց առաջ իր և քաղաքապետարանի աշխատակազմի անունից շնորհավորեց նորանշանակ վարչապետ Կարեն Կարապետյանին: Տարոն Մարգարյանը կառավարությանը ներկայացրեց «Տեղական տուրքերի և վճարների մասին» Հայաստանի Հանրապետության օրենքում փոփոխություններ և լրացում կատարելու մասին» Հայաստանի Հանրապետության օրենքի նախագիծը, որը վարչապետի կողմից առանց քննարկման ընդունվեց: Այնուհետև Տարոն Մարգարյանն, անհրաժեշտությունից ելնելով, խնդրեց վարչապետին նախագիծը անհետաձգելի ճանաչել: «Շատ լավ», - եղավ վարչապետի պատասխանը: