Դատախազությունում կաշառակերությունը վերացել է. գրեթե...

Չի կարելի չխոստովանել, որ Հայաստանի դատախազությունում  համակարգային կաշառակերությունը գրեթե վերացել է։ Այս մասին սեպտեմբերի 14-ին՝ ԱԺ-ում գլխավոր դատախազի թեկնածու Արթուր Դավթյանի ընտրության վերաբերյալ քննարկումների ժամանակ, ասաց ԱԺ փոխխոսնակ Էդուարդ Շարմազանովը: «Նրանք, ովքեր վերջին տարիներին առնչվել են դատախազության աշխատանքի հետ, կարող են փաստել, որ համակարգային կոռուպցիա գրեթե չկա։ Իսկ ընդդիմությունը հակադարձում է, թե մարդիկ այս են ասում, այն են ասում։ Ես էլ գիտեմ, թե ինչ են ասում, բայց ես դա չեմ կրկնում չէ՞։ Եթե դուք փաստեր գիտեք, ապա ես՝ որպես փոխխոսնակ, պահանջում եմ. ցուցմո՛ւնք տվեք իրավապահ մարմիններին։ Ես չեմ ասում, որ դատախազությունում խնդիրներ չկան։ Բայց պետք է համեմատենք ներկայիս վիճակը 10-20 տարի առաջ ունեցածի հետ»,– ասել է Շարմազանովը։