Ամենատխմար կարգախոսը Գյումրիում. «Չորրորդ իշխանություն»

«Չորրորդ իշխանություն» թերթը գրում է. «բանից պարզվում է՝ Գյումրիի ավագանու ընտրություններում իշխանական «Բալասանյանի դաշինքը» հանդես է եկել «Ժամանակին վճարված աշխատավարձեր» կարգախոսով: «ՉԻ» - Նույն հաջողությամբ Սամվել Բալասանյան կարող էր առաջ քաշել ասենք, «խոստանում եմ ամեն օր գնալ աշխատանքի» կարգախոսը, որովհետեւ ժամանակին աշխատավարձեր վճարելը կարծես թե նրա անմիջական պարտականությունն է, եւ ոչ թե ինչ-որ չտեսնված-չլսված բան: Ընդ որում՝ գյումրեցիներին հետաքրքրում է ոչ միայն աշխատավարձերը ժամանակին ստանալը, այլեւ այն, որ այդ աշխատավարձերով հնարավոր լինի ապրել: Իսկ Սամվել Բալասանյանը, չգիտես ինչու, այդ մասին ոչ մի բառ չի ասում: Ի դեպ, հետաքրքիր է՝ մինչեւ հիմա Գյումրիում աշխատավարձերը ժամանակի՞ն էին վճարվում, թե՞ ոչ: Եթե մինչեւ հիմա էլ էին ժամանակին վճարվում՝ ուրեմն դա տխմար կարգախոս է, իսկ եթե ուշացնում էին՝ Սամվել Բալասանյանը պիտի պատասխանի, թե ո՞վ է մեղավոր դրա համար: Միայն թե չասի, որ ինքը դրա հետ կապ չունի: Բա եթե կապ չունի՝ հիմա ո՞նց է խոստանում լուծել այդ հարցը»: Առավել մանրամասն՝ թերթի այսօրվա համարում