Ինչ ուղիներ է փնտրում Ռոբերտ Քոչարյանը. նա կրկին Ռուսաստանում է եղել. «Ժողովուրդ»
«Ժողովուրդ» օրաթերթը գրում է. «ՀՀ երկրորդ նախագահ Ռոբերտ Քոչարյանը վերջին օրերին կրկին Ռուսաստանի Դաշնությունում է եղել: «Ժողովուրդ»-ը փորձեց Ռ. Քոչարյանի գրասենյակի ղեկավար Վիկտոր Սողոմոնյանից պարզել, թե նա ինչ նպատակով է եղել Ռուսաստանում: Վերջինս նախ հաստատեց մեր տեղեկությունները՝ Ռոբերտ Քոչարյանի Ռուսաստանում գտնվելու մասին, այնուհետեւ ավելացրեց. «Նա բացառապես մասնակցել է «Սիստեմա» ԲՖԿ-ի տնօրենների արտագնա նիստին: Ընդ որում, ոչ Մոսկվայում»: Տեղեկացնենք, որ Քոչարյանը գիշերել է Մոսկվայի «Արարատ Հայաթ» հյուրանոցում: «Ժողովուրդ»-ի այն հարցին, թե արդյոք Ռոբերտ Քոչարյանը որեւէ կապ ունի Կարեն Կարապետյանի՝ վարչապետի պաշտոնում նշանակվելու ծրագրի հետ, Վիկտոր Սողոմոնյանը պատասխանեց. «Բնականաբար ոչ մի կապ չունի: Խնդրում եմ չքաղաքականացնել»: Այն հանգամանքը, որ Ռոբերտ Քոչարյանը ուղիներ է փնտրում իշխանության ղեկը կրկին իր ձեռքը վերցնելու ուղղությամբ, վաղուց է հայտնի: Սակայն ինչպես է նա փորձելու այդ խնդիրը լուծել, դեռ հայտնի չէ»: Ավելի մանրամասն՝ թերթի այսօրվա համարում:
Հետևեք մեզ Viber-ում
