«Արսենալի» եւ «Տոտենհեմի» հաղթանակներով

Ֆուտբոլի Անգլիայի առաջնության չորրորդ տուրում հաղթանակներ տարան Լոնդոնի «Արսենալն» ու «Տոտենհեմը»: Ֆրանսիացի Արսեն Վենգերի գլխավորած «Արսենալը» հաղթանակ կորզեց միայն ավելացված չորրորդ րոպեին՝ 11 մետրանոցը դիպուկ իրացրեց Կասորլան: «Տոտենհեմը» հյուրընկալվելիս խնդիրներ չունեցավ «Սթոք Սիթիի» հետ պայքարում՝ 4:0: «Տոտենհեմը» վաստակել է 8 միավոր եւ չորրորդ տեղում է, «Արսենալը» զիջում է մեկ միավոր: Անգլիայի առաջնություն, չորրորդ տուր «Արսենալ» - «Սաութհեմփթոն»՝ 2:1 Լորան Կոսելնի, 29, Սանտի Կասորլա, 90+4, 11մ - Պետր Չեխ, 18, ինքնագոլ «Բորնմութ» - «Վեստ Բրոմվիչ»՝ 1:0 Կալում Ուիլսոն, 79 «Բարնլի» - «Հալ Սիթի»՝ 1:1 Սթիվեն Դեֆուր, 72 - Ռոբերտ Սնոդգրաս, 90+5 «Միդլսբրո» - «Քրիսթալ Փելաս»՝ 1:2 Դանիել Այալա, 38 - Քրիստիան Բենտեկե, 16, Ուիլֆրիդ Զահա, 47 «Սթոք Սիթի» - «Տոտենհեմ»՝ 0:4 Սոն Հյուն Մին, 41, 56, Դելե Ալլի, 59, Հարի Քեյն, 70 «Վեստ Հեմ» - «Ուոթֆորդ»՝ 2:4 Մայքլ Անտոնիո, 5, 33 - Օդիոն Իգալո, 41, Տրոյ Դինի, 45+2, Էթյեն Կապու, 53, Խոսե Խոլեբաս, 63