Հայաստանում մարդու իրավունքների վիճակը մնում է խնդրահարույց. Human Rights Watch
«Human Rights Watch» միջազգային իրավապաշտպան կազմակերպությունն այսօր հրապարակել է 2015 թվականի վերաբերյալ իր ամփոփ զեկույցը: Զեկույցի՝ Հայաստանին առնչվող մասում նշվում է, որ մեր երկրում մարդու իրավունքների վիճակը մնում է խնդրահարույց: Նշվում է նաև լրատվամիջոցների ազատության, բանտային վատ պայմանների մասին: Անդրադառնալով Հայաստանում անցկացված սահմանադրական փոփոխությունների հանրաքվեին՝ «Human Rights Watch»-ը արձանագրում է, թե չնայած այն հանգամանքին, որ Եվրախորհրդի Վենետիկի հանձնաժողովը հայտարարել էր, որ ՀՀ Սահմանադրության նախագիծը «համապատասխանում է միջազգային չափանիշներին՝ որոշ ընդդիմախոսներ պնդում են, թե փոփոխությունների նպատակը իշխող կուսակցության համար իշխանությունը պահպանելու հնարավորություն ստեղծելն է:
Հետևեք մեզ Viber-ում
