ԱՄՆ-ում Ադրբեջանի դեսպանը կանչվել է Բաքու. աղբյուր

Haqqin.az պորտալի փոխանցմամբ՝ ԱՄՆ-ում Ադրբեջանի դեսպան Էլին Սուլեյմանովը խորհրդակցությունների համար կանչվել է Բաքու։ Այդ մասին լրատվամիջոցին հայտնել են իրազեկ աղբյուրները։ Ընդգծվում է, որ դեսպանին Բաքու կանչելը համընկել է ԱՄՆ-ի ու Ադրբեջանի միջև հարաբերություններում սառնություն գրանցվելու հետ, որի պատճառը Սպիտակ տանը մոտ կանգնած Washington Post պարբերականի քննադատություններն են։ Թերթում հրապարակվել էր Ադրբեջանում ԱՄՆ նախկին դեսպան Ռիչարդ Կոզլարիչի և ԱՄՆ պետդեպարտամենտի նախկին աշխատակից Դևիդ Կրամերի հոդվածը, որում փաստացիորեն առաջարկվում էր պատժամիջոցներ սահմանել Ադրբեջանի ղեկավարության դեմ։