Թուրքիայում բազմաթիվ հանրային ծառայողներ են հեռացվել աշխատանքից

Գյուլենականների դեմ իրականացված հետախուզական գործողությունների արդյունքում, հուլիսի 15-ից սկսած 2 300 պետական աշխատողի լիազորություններ դադարեցվել են, իսկ 3 500-ը՝ հեռացվել աշխատանքից: Այս մասին հայտնում է թուրքական trthaber.com լրատվական գործակալությունը: Հետախուզական գործողությունների արդյունքում փակվել են 1 դպրոց, 5 հանրակացարան, 11 ուսումնական կենտրոն՝ ընդհանուր առմամբ 17 հաստատություն, իսկ 14 ասոցիացիայի, 3 դպրոցի, 1 հիմնադրամի, 10 ուսումնական կենտրոնի եւ 4 կազմակերպության վերաբերյալ գործունեության դադարեցման որոշում է կայացվել, ինչպես նաև 308 տարբեր հիմնարկություններ եւ կազմակերպություններ: