Եթե Արցախին մի բան պատահի, յուրաքանչյուր թիզ հողի համար մենք պայքարելու ենք. Սեյրան Օհանյան
ՀՀ պաշտպանության նախարարի պաշտոնակատար Սեյրան Օհանյանը, լրագրողների հետ զրույցում պատասխանելով Արցախին վերաբերվող հարցին, ասաց, որ եթե Արցախի ժողովրդին եւ Արցախին ինչ-որ բան պատահի, պայքարելու ենք յուրաքանչյուր թիզ հողի համար:«Կարծում եմ, որ մեր դիվանագիտության համար պատասխանատու են համապատասխան կառույցներ, որոնք խորությամբ տիրապետում են բանակցային ողջ գործընթացին, հանդիպումներին: Մեր ակնկալիքը մեկն է, որ մեր կողմից առաջադրված տարբերակը կատարվի, այսինքն՝ Լեռնային Ղարաբաղի հակամարտության խնդիրը լուծվի միայն ու միայն քաղաքական, խաղաղ պայմաններում, երկխոսության միջոցով, փոխադարձ համաձայնությունների ու ամենակարևորը՝ վստահության մթնոլորտի ձևավորման շրջանակներում: Այն իրականության մեջ, երբ դժվար է հակառակորդի հետ լեզու գտնել, երբ ապրիլյան քառօրյա պատերազմից հետո սադրանքերի այս մասշտաբները բերում են նրան, որ շփման գծում շարունակվում է վստահության մթնոլորտի ձեւավորման մերժումը հակառակորդի կողմից, մեզ հնարավորություն է տրվում ասել, որ եթե չկա վստահության մթնոլորտ, մենք չենք կարող խոսել փոխադարձ համաձայնությունների մասին»,- ասաց Սեյրան Օհանյանը:
Հետևեք մեզ Viber-ում
