Ինչպես վարվել Հյուսիսային Կորեայի հետ
Հյուսիսային Կորեայի միջուկային խնդրի լուծմանը անհրաժեշտ է մոտենալ ստեղծագործաբար, ոչ թե կիրառել միայն պատժամիջոցներ: Այսպիսի տեսակետ է հայտնել ՌԴ արտգործնախարար Սերգեյ Լավրովը՝ Ժնևում ԱՄՆ պետքարտուղար Ջոն Քերիի հետ բանակցություններից հետո պատասխանելով լրագրողների հարցերին: Այս մասին հայտնում է TASS-ը: Լավրովը վստահություն է հայտնել, որ Հյուսիսային Կորեայի հարցով վեցակողմ բանակցությունները «վաղ է թաղել», անհրաժեշտ է փնտրել դրանք վերսկսելու ճանապարհներ: «Դիվանագետները պետք է լինեն ավելի կրեատիվ, քան ուղղակի պատժամիջոցներով արձագանքելը՝ իրավիճակի ցանկացած սրման դեպքում պատժամիջոցներ և միայն պատժամիջոցներ»,- ասել է նա՝ ընդգծելով, որ պետք է զերծ մնալ այնպիսի քայլերից, որոնք այդ տարածաշրջանում կհանգեցնեն լարվածության հետագա էսկալացիայի և զինված հակամարտության սահմանի: «Այստեղ բացի մահակից և մտրակից՝ կա իրավիճակի մասին ստեղծագործաբար խորհելու և մոտեցումներ մշակելու հնարավորություն, որոնք թույլ կտան լիցքաթափել լարվածությունը Կորեական թերակղզում և Հյուսիսարևելյան Ասիայում ընդհանրապես: Մենք աշխատում ենք այդ ուղղությամբ»,- ընդգծել է Լավրովը:
Հետևեք մեզ Viber-ում
