Շվեդիայում հայտնաբերվել է զիկա վիրուսով վարակման առաջին դեպքը

Շվեդիայում հայտարարվել է զիկա վիրուսով երկրի բնակչի հիվանդացության առաջին դեպքի մասին: Դանիայում զիկա վիրուսով վարակված զբոսաշրջիկը, որը Լատինական Ամերիկայում է եղել, բուժվում է Օրհուս քաղաքի համալսարանական հոսպիտալում: Զիկա վիրուսի դեպքեր արձանագրվել են Ասիայում, Աֆրիկայում, Հյուսիսային և Հարավային Ամերիկայում, Խաղաղօվկիանոսյան տարածաշրջանում: Եվրոպայում դեռ առանձին դեպքեր են գրանցվում: Մասնավորապես, զիկա վիրուսով պայմանավորված հիվանդության 2 դեպք հաստատվել է Շվեյցարիայում, 4՝ Իտալիայում: Զիկա վիրուսն առաջացնում է բարձր ջերմություն, կոնյունկտիվիտ (շաղկապենաբորբ), գլխացավեր, հոդացավեր, բորբոքային գործընթացներ, առանձին դեպքերում՝ սրտխառնոց և փսխում, խանգարումներ և ցավեր ստամոքսում: Վիրուսի տարածողը Aedes aegypti մոծակն է: