Որքանո՞վ Կրեմլը, Բաղրամյան 26-ն ու ՀՀԿ օլիգարխիան թույլ կտան Կ. Կարապետյանին ազատ գործել
Կարեն Կարապետյանի հետ "ծանոթացել ենք" կոնֆլիկտով, երբ որպես ԱԺ պատգամավոր՝ առաջնորդում էի Երևանում կրպակներն ապամոնտաժելու դեմ շարժումը, որը նրա համար լուրջ խնդիր դարձավ, ու թերեւս արժեցավ քաղաքապետի պաշտոնը: Առաջին հանդիպման ժամանակ ինձ համար հաճելի հայտնագործություն էր, որ նա լուրջ է ընդունում ինտելեկտուալ, կիրթ մարդկանց կարծիքը: Նա նույնիակ չթաքցրեց, որ իմ քննադատություններն իրեն խոցել են, այն դեպքում, երբ սեփական թիմում կրպակատեր օլիգարխների կարծիքի վրա ինքը չի դողում: Երկրորդ հայտնագործությունս այն էր, որ լինելով ռուսական դաշտից` քաղաքի համար նախընտրում էր արևմտյան, եվրոպական մոդելը, ու իր բոլոր քայլերը քաղաքապետի պաշտոնում այդ ուղղությամբ էին: Երրորդը դա իր կամային հատկություններն էին, որի հետ կապված կատակեցի, որ մենեջմենթում դա լավ բան է, բայց եթե դա ուղղվում է սխալ որոշումը կյանքի կոչելուն, ապա կարող է ողբերգության վերածվել: Որքանով նա իր այս բնորոշ գծերը կկիրառի վարչապետի պաշտոնում, թերեւս կապ ունի նրա հետ, թե նա ինչ պայմանավորվածություն է ձեռք բերել Սերժ Սարգսյանի հետ համաձայնություն տալուց առաջ, և որքանով Կրեմլն ու Գազպրոմը, Բաղրամյան 26-ն ու ՀՀԿ օլիգարխիան թույլ կտան ազատ գործել: Քաղաքագետ Ստեփան Սաֆարյանի գրառումը
Հետևեք մեզ Viber-ում
