Ռոնալդուն սկսել է մարզումները

Մադրիդի «Ռեալի» պորտուգալացի հարձակվող Կրիշտիանու Ռոնալդուն Եվրո-2016-ի եզրափակիչում ստացած ծնկահոդի վնասվածքից հետո այս շաբաթ լիարժեք մարզումներ է անցկացնում Արքայական թիմի ընդհանուր խմբում եւ կշարունակի ամբողջ ծանրաբեռնվածությամբ պատրաստվել Իսպանիայի առաջնության առաջիկա հանդիպմանը։ Սպասվում է, որ «Ռեալի» ֆրանսիացի գլխավոր մարզիչ Զինեդին Զիդանը Ռոնալդուին կընդգրկի թիմի հայտացուցակում «Օսասունայի» դեմ հանդիպմանը։ Իսպանիայի առաջնության երրորդ տուրի այդ խաղը տեղի կունենա Մադրիդում սեպտեմբերի 10-ին եւ կմեկնարկի Երեւանի ժամանակով 18։00-ին։