Փաստաբանը՝ Դինքի սպանության վերաբերյալ սկանդալային տեսագրության մասին

«Ակօս»-ի հիմնադիր և գլխավոր խմբագիր Հրանտ Դինքի սպանության վերաբերյալ սկանդալային տեսագրության մասին մեկնաբանություն է տվել Դինք ընտանիքի փաստաբան Հաքան Բաքըրջըօղլուն: Այս մասին գրում է թուրքական Evrensel.com.tr կայքը: Փաստաբանը նշել է, որ տեսանյութը, որում երևում են դեպքի վայրից քիչ հեռու շրջող ժանդարմերիայի մի քանի սպա, գործի համար շատ կարևոր է, սակայն բավարար չէ հստակ մեղադրանքներ հասցեագրելու համար: «Սա շատ կարևոր տեսանյութ է, սակայն այսքանը դեռ բավարար չէ: Մեզ պետք են ապացույցներ այն մարդկանց դեմ, որոնք հենց տվել են Հրանտ Դինքի վրա կրակելու հրամանը»,- ասել է Բաքըրջըօղլուն: