Թուրքիայում հրաժարվել են կանգնեցնել Էրդողանի արձանը

Թուրքական Posta թերթի փոխանցմամբ՝ Թուրքիայի Քոջայելի քաղաքի իշխանությունները հրաժարվել են ընդունել ավելի վաղ պատվիրված Թուրքիայի նախագահ Ռեջեփ Էրդողանի արձանը: Քանդակագործ Նոհ Աչընը հայտարարել է, որ 2 տոննայանոց և 4 մետր բարձրությամբ արձանի պատրաստման պատվերը ստացել է 2.5 ամիս առաջ: Քանդակագործը հայտնել է, որ հուշարձանի պատրաստման ժամանակ Թուրքիայում իրականացվել է պետական հեղաշրջման փորձ, և այժմ քաղաքային իշխանությունները հրաժարվում են ընդունել այդ արձանը: