Ադրբեջանում հրաժարվել են թողարկել ընդդիմադիր «Ազադլիգ» թերթը

Ադրբեջանի պետական հրատարակչությունը հրաժարվել է սեպտեմբերի 5-ից հետո շարունակել ընդդիմադիր «Ազադլիգ» թերթի հրատարակումը: Թերթի գլխավոր խմբագրի տեղակալ Ռահիմ Հաջիեւը հաստատել է, որ պարբերականը ֆինանսական ծանր վիճակում է գտնվում, հայտնում է  Turan գործակալությունը: «Մենք պարտքեր ունենք «Ադրբեջան» տպագրատանը, բայց օգոստոսի 30-ից թերթը դարձյալ կհրատարակվի: Սակայն թերթի հերթական համարի թողարկումը հարցականի տակ է, որովհետեւ թերթի ֆինանսական վիճակը ծայրաստիճան ծանր է», - հայտնել է Հաջիեւը: Ավելի վաղ իրավապահները հայտնել էին, որ հունիսի 14-ին թերթի խմբագրությունը հրատարակչատան ղեկավարությունից նամակ է ստացել, որում լրագրողներին զգուշացրել են, որ թերթի հրատարակումը կդադարեցվի, եթե մինչեւ հունիսի   27-ը այն չփակի իր մոտ    12 հազար դոլարի պարտքը: Հաջիեւի խոսքով, թերթը չի կարողանա վճարել պարտքի համար, որովհետեւ  ֆինանսական տնօրեն եւ ընդդիմադիր Ադրբեջանի ժողովրդական ճակատ կուսակցության նախագահ Ֆաիկ Ամիրովը ձերբակալվել է Շարժման առաջնորդ Հիզմետ Ֆեթհուլլա Գյուլենի շարժման հետ կապված մեղադրանքի կապակցությամբ: «Թերթի ֆինանսական տնօրեն Ֆաիկ Ամիրովը ձերբակալվել է: Բանկային գործառնություններ կատարելու համար անհրաժեշտ է հաստատել մեկ այլ մարդու ստորագրությունը: Սակայն նոտարական գրասենյակները հրաժարվում են հաստատել այդ ստորագրությունը` պատճառաբանելով, թե փաստաթղթերը կարգին չեն», - ասել է   «Ազադլիգի» գլխավոր խմբագիրը: Օգոստոսի վերջին Ադրբեջանում քրեական գործ է հարուցվել Գյուլենի ենթադրյալ կողմնակիցների դեմ, որին Թուրքիայում մեղադրում են ռազմական հեղաշրջման փորձի կազմակերպման համար:  Գործով չորս մարդ է ձերբակալվել, որոնցից մեկը Ամիրովն էր: Հաղորդվել է, որ մյուս երեքը բջջային օպերատորների աշխատակիցներ են: