Թուրքիան Սիրիայի հետ սահմանին բետոնե մեծ պատ է կառուցում

Թուրքիան վերսկսել է Սիրիայի հետ սահմանին բետոնե մեծ պատի կառուցման աշխատանքները, գրում է թուրքական «Բիրգյուն» թերթը: Պատն ունենալու է 2 մետր լայնություն և 4 մետր բարձրություն և կառուցվելու է ամբողջ սահմանի երկայնքով (911 կմ): Նշվում է, որ պատի կառուցումը պետք է ավարտվեր այս տարվա վերջին, սակայն հուլիսի 15-ի հեղաշրջման փորձից հետո դրա շինարարությունը կանգ է առել, և այժմ վերսկսվել է մեծ թափով: Նշենք, որ Գազիանթեփի ահաբեկչությունից հետո թուրքական կողմը խստացրել է թուրք-սիրիական սահմանի հսկողությունը, և ներկայում օդում մարտական հերթապահություն են իրականացնում 4 հատ F16 տեսակի կործանիչներ: