ՆԱՏՕ-ն ու Ռուսաստանը իրարից ոչ հեռու զորավարժություններ են անցկացնում

Սեպտեմբերի 1-ին Ջավախքում գտնվող «Օրփոլո» զորավարժարանում մեկնարկել է Agile Spirit 2016 զորավարժությունը, որին Վրաստանի զինծառայողների հետ մասնակցելու են Բուլղարիայի, Ռումինիայի, Ուկրաինայի, Լատվիայի զինված ուժերի և ԱՄՆ ծովային հետևակի զինծառայողներ: Զորավարժությունները շարունակվելու են մինչև սեպտեմբերի 9-ը: Զորավարժությունների համար Վրաստան է բերվել ամերիկյան ռազմական տեխնիկա:Այս զորավարժություններին զուգահեռ սեպտեմբերի 5-ից 10-ը Ռուսաստանը Հարավային ռազմական օկրուգում անց է կացնում «Կովկաս» զորավարժությունները: Հարավային օկրուգի կազմում է նաև Գյումրիի 102-րդ ռուսական ռազմաբազան, որը գտնվում է Ջավաքխի հարևանությամբ: