Նոր վիրահատությո՞ւն. դերասանուհու հոգևիճակի մասին խոսելիս մայրը հուզվեց
Սրտացավ մարդկանց օգնությամբ ավտովթարի ենթարկված դերասանուհի Ջուլյա Սաղաթելյանը ենթարկվեց ողնաշարի բարդ վիրահատության: Դերասանուհու վիրահատությունը բարեհաջող ավարտվեց, սակայն խնդիրները դեռ հիշեցնում են իրենց մասին: «Դրա համար դուստրս շնորհակալ է բոլորին, բոլոր նրանց, ովքեր գումարով օժանդակեցին մեզ, և նա, կարելի է ասել, նորից կյանք վերադարձավ»,- Հայելի.am-ի թղթակցի հետ զրույցում ասաց դերասանուհու մայրը՝ տիկին Լաուրան: Տիկին Լաուրան հուզվեց, երբ հարցրեցինք դերասանուհու առողջության մասին. «Սալյակի վրա նստած է: Ոտքը գիպսի մեջ է: Տրամադրությունն էլ ահավոր :Ո՞նց պետք է իրեն զգա ստեղծագործական աշխատանքի սովոր մարդը»: Մոր փոխանցմամբ՝դերասանուհին տանն է, սակայն պարբերաբար այցելում են բժշկին: «Երկու օրից պարզ կլինի՝ ոտքի վրահատության կենթարկվի՞ դուստրս, թե՞ ոչ: Ես անհամբեր սպասում եմ այն օրվան, երբ նա կքայլի»,-ասաց դերասանուհու մայրը և նշեց, որ դժվարանում է դստեր վիճակի մասին երկար խոսել: Հիշեցնենք, որ Ջուլիա Սաղաթելյանը հոկտեմբերի 27-ին Երևան-Գյումրի ավտոճանապարհին տեղի ունեցած ավտովթարի հետևանքով վնասել էր 8-րդ ողը և ուներ ոտքի կոտրվածք: Վիրահատության համար անհրաժեշտ էր 6.000 դոլար, սակայն դերասանուհու ընտանիքը չուներ հնարավորություն՝ հոգալու ծախսերը: Լուսինե Ղազարյան
Հետևեք մեզ Viber-ում
