«Թուրքիան դարձել է հենարան. «սիլիբիլին» կշարունակվի». Սարգիս Հացպանյան․ տեսանյութ

«Ինքնաթիռի խոցման դեպքից հետո հայ հասարակության մեջ թվացյալ բան էր ձևավորվել, թե Ռուսաստանը կգնա պատժիչ քայլերի, բայց ընդհակառակը՝ Ռուսաստանն այս առիթը շատ լավ փորձեց օգտագործել ընդդեմ ՆԱՏՕ-ի, ԱՄՆ-ի, և թե՛ Սիրիայի քաղաքականության մեջ, թե՛ տարածաշրջանում Թուրքիան դարձրեց իր համար հենարան։ Ռուսաստանը Թուրքիայի ձեռքով կարող է տարածաշրջանում տարբեր ուղղություններով քաղաքականություն ձևավորել, որի ամենակարևոր դրսևորումը մեզ համար հենց Ադրբեջանի ակտիվացումն էր Արցախում»,-այս մասին Հայելի ակումբում ասաց Տարածաշրջանային փորձագետ, հրապարակախոս-վերլուծաբան Սարգիս Հացպանյանը: Հացպանյանի խոսքով՝ Թուրքիան Ռուսաստանի համար դարձել է հենարան և մտածել՝ այդ սիլիբիլին շուտ կավարտվի՝ սխալ է: «Ռուսաստանը հիմա Թուրքիային թույլ է տալիս ազատ ելք ու մուտք ունենալ Սիրիա. «Այստեղ տուժեցին քրդերը, որոնք հեռացվեցին Ռուսաստանի կողմից, հարձակման ենթարկվեցին Թուրքիայի կողմից և չպաշտպանվեցին ԱՄՆ-ի կողմից։ Ինչպես ժամանակին մեզ օգտագործեցին, Հայկական դատը շահարկեցին, հիմա քրդերի գլխին են նույն բանը խաղում»,-նշեց վերլուծաբանը։