Apple-ի հերթական ռեկորդը

Apple ընկերությունն այսօր հայտարարել է 2016-ի ֆինանսական տարվա առաջին եռամսյակի ֆինանսական արդյունքները: Ընկերությանը հաջողվել է սահմանել եկամուտների նոր ռեկորդ, սակայն այդ ցուցանիշը չի հասել վերլուծաբանների կանխատեսումներին: Բացի այդ ընթացիկ եռամսյակի սեփական կանխատեսումները խոսում են այն մասին, որ Apple-ը երկար տարիների ընթացքում առաջին անգամ կարող է բախվել ցուցանիշների անկմանը: Գրում է Vestifinance.ru-ն: Հաշվետու ժամանակահատվածում ընկերության եկամուտը կազմել է 75,9 մլրդ դոլար, իսկ զուտ շահույթը 18.4 մլրդ դոլար կամ մեկ բաժնետոմսի համար 3.28 դոլար: Համեմատության համար ընկերության եկամուտը նույն եռամսյակում նախորդ տարի կազմել է  74.6 մլրդ դոլար, իսկ զուտ եռամսյակային շահույթը 18 մլրդ դոլար կամ  3.06 դոլար՝ մեկ բաժնետոմսի: Եռամսյակային եկամուտը ռեկորդային է եղել Apple-ի համար, սակայն չի հասել վերլուծաբանների կանխատեսած ցուցանիշին 76,6 մլրդ դոլարին: 2016-ի ֆինանսական տարվա առաջին եռամսյակում Apple-ին հաջողվել է 74,8 մլն iPhone, իսկ վերլուծաբանների կանխատեսումներով, այդ թիվը պիտի կազմեր 75 մլն: Հարկ է նշել, որ նախորդ եռամսյակում ընկերությունը վաճառել էր 74.5 մլն iPhone, իսկ դա նշանակում է, որ ֆիրմային սմարթֆոնների վաճառքը հասել է առավելագույնին: