Ագուերոն բաց է թողնելու Մանչեսթեր Յունայթեդի հետ խաղը

Անգլիայի ֆուտբոլի ասոցիացիան Վեսթ Հեմի հետ Անգլիայի առաջնության 3-րդ տուրի խաղի ժամանակ Ուինսթոն Ռիդին արմունկով հարվածելու համար 3 խաղով որակազրկել է Մանչեսթեր Սիթիի հարձակվող Սերխիո Ագուերոյին: Այսպիսով Ագուերոն բաց է թողնելու 4-րդ տուրի և առաջնության կենտրոնական խաղերից մեկը՝ Մանչեսթեր Յունայթեդի հետ խաղը: Հիշեցնենք, որ պրեմիեր լիգայի 3 խաղերում Ագուերոն 3 գոլ է խփել, իսկ Սիթին Յունայթեդի և Չելսիի հետ միասին 9 միավորով գլխավորում է մրցաշարային աղյուսակը: