«Մենք աջակցում ենք Լեռնային Ղարաբաղի անկախությանը, քանի որ աջակցում ենք միջազգային իրավունքին»

Լեռնային Ղարաբաղի անկախության 25-րդ տարեդարձի կապակցությամբ Ֆրանսիա-Ղարաբաղ Բարեկամության Շրջանակն իր աջակցություն է հայտնում Հարավային Կովկասի երիտասարդ Հանրապետությանը եւ ժողովրդավարական ուղուն, որով այն զարգանում է։ Բարեկամության Շրջանակը ջերմորեն ողջունում է Ղարաբաղի բնակչության վերգտած 25-ամյա ազատությունը, որն իրականացվեց 1991 թվականի սեպտեմբերի 2-ին Հանրապետության հռչակմամբ: Վերջինս հղում է իր ջերմ քաջալերանքը՝ շարունակելու այն ջանքերը, որոնք ձեռնարկվել են երջանիկ ապրելու բնական իրավունքի լիարժեք իրականացումն ապահովելու համար։ Շրջանակն ընդգծում է, որ, չնայած Անկախության հռչակագրին հաջորդած պարտադրված պատերազմին, «այժմ արդեն ղարաբաղցիների մի ամբողջ սերունդ է մեծացել անկախ  Հանրապետությունում,ով մեկ վայրկյան անգամ չի պատկերացնում հայտնվել այն ենթակա վիճակում, որ ավագ սերունդն է ապրել»: Բարեկամության Շրջանակը համարում է, որ այս անկախությունը շոշափելի ձեռքերում է՝այսուհետ անվիճելի եւ անշրջադարձ»: «Մենք աջակցում ենք Լեռնային Ղարաբաղի անկախությանը, քանի որ աջակցում ենք միջազգային իրավունքին», - հայտարարել է Շրջանակի նախագահ Ֆրանսուա Ռոշբլուանը՝ շարունակելով,- «բայց ատկապես այն պատճառով, որ մենք պաշտպանում ենք մասնավորապես կյանքի եւ անվտանգության անօտարելի իրավունքը»։ Բարեկամության Շրջանակը համարում է, որ 2016 թվականի ապրիլին Բաքվի ռեժիմի կողմից իրականացված հարձակումները վկայում էն են ադրբեջանական սպառնալիքի շարունակականությունըտարածաշրջանի խաղաղության եւ անվտանգության համար: Շրջանակը նաեւ կարծում է, որ այս հարձակման փորձի ձախողումը, ինչպես նաեւ ղարաբաղյան կողմի չափավոր ռազմական արձագանքը ցույցեն տալիս Լեռնային Ղարաբաղի իշխանությունների հասունությունը եւ պատասխանատվության զգացումը։ «Քառօրյա այս պատերազմը կատարյալ ձեւով ցույց տվեց, թե ինչքան Լեռնային Ղարաբաղի անրապետությունը մտահոգված է իր քաղաքացիների կյանքի անվտանգությամբ», - նշել է Ֆրանսուա ոշբլուանը շնորհավորական իր ուղերձում եւ  ավելացրել՝ եզրափակելով իր խոսքը- «աջակցել Լեռնային Ղարաբաղին նշանակում է աջակցել ժողովրդավարությանը, իսկ աջակցել ժողովրդավարությանը շանակում է աջակցել խաղաղությանն ու բարգավաճմանը»: Անկախության տոնի կապակցությամբ Ֆրանսիա-Ղարաբաղ Բարեկամության Շրջանակը վերահաստատում է միջազգային հանրության կողմից ԼՂՀ անվերապահ ճանաչման իր կոչը: