Թուրք հովիվը դոլարներով լի ճամպրուկ է գտել
Թուրքական Աքընջը օդային բազայի տարածքի մոտակայքում հովիվը դոլարներով լի մի մեծ ճամպրուկ է գտել, գրում է թուրքական «Միլլիյեթ» թերթը: Թերթը հաղորդում է, որ օդային բազայից ոչ այնքան հեռու գտնվող մի արոտավայրում գառներ արածեցնող մի հովիվ նկատել է պայուսակն ու մոտեցել: Այն բացելուց հետո հովիվը հայտնաբերել է, որ պայուսակը լիքն է ԱՄՆ դոլարի թղթադրամներով: Հովիվը այդ մասին տեղյակ է պահել գյուղապետին, որն էլ իր հերթին դիմել է ոստիկանություն: Հայտնաբերվել է, որ պայուսակում առկա է եղել 200 000 ԱՄՆ դոլար: Ոստիկանությունը հայտարարել է,որ դոլարներով լի պայուսակը պատկանում է հուլիսի 15-ի տապալված հեղաշրջման փորձի մասնակիցներին, որոնք նույն գիշերը փախել են բազայի տարածքից:
Հետևեք մեզ Viber-ում
