Արտառոց դեպք Գորիսում

SHAMSHYAN.com-ի տեղեկություններով՝ Հայաստանի քննչական կոմիտեի Սյունիքի մարզային քննչական վարչության Գորիսի քննչական բաժնում նյութեր են նախապատրաստվում երեկ՝ սեպտեմբերի 1-ին ոստիկանության Գորիսի բաժին Գորիս քաղաքի բնակչուհի, 16-ամյա Մ. Խ.-ի դիմումի կապակցությամբ: Ինչպես հայտնում է ֆոտոլրագրող Գագիկ Շամշյանը, վերջինս հայտնել է, որ 2015 թ-ի մայիսի 1-ին Գորիսի բնակիչ, 27-ամյա Արթուր Լենտրուշյանը ամուսնանալու պատրվակով իրեն խաբել և սեռական հարաբերություններ է ունեցել: Աղջիկը հայտնել է նաև, որ Արթուրը իրեն զրկել է կուսությունից և մինչև սեպտեմբերի կեսը ամեն հանդիպման ժամանակ նա սեռական հարաբերություններ է ունեցել իր հետ: Մ. Խ.-ն հայտնել է նաև, որ ամեն անգամ Արթուրը սպառնացել է, որ եթե որևէ մեկին իրենց հանդիպման մասին հայտնի, ապա «լավ չի լինի»: Քննչական բաժնում տեղեկացրել են նաև, որ 2015 թ.-ի դեկտեմբերի 15-ից մինչև 2016 թ.-ի մայիսի 18-ը ինքը Արթուրի հետ փաստական ամուսնական կյանքով են ապրել և այդ ընթացքում վարձակալական հիմունքներով բնակվել են Գորիս քաղաքի սեփական տներից մեկում, սակայն հետո Արթուրը լքել է իրեն և գնացել Ռուսաստանի Դաշնություն: Գորիսի ոստիկաններն ու քննիչները ձեռնարկում են միջոցներ՝ Ա. Լետրուշյանին հայտնաբերելու ուղղությամբ: Գ. Շամշյանի տեղեկություններով՝ Մ. Խ.-ն սովորում է Հայաստանում գործող քոլեջներից մեկի 1-ին կուրսում: Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: