«Չվերցնենք Արցախի նախագահին ու չբերենք մեզ մոտ վարչապետ դարձնենք». Ռուբեն Բաբայան.Տեսանյութ
«Պետք է իրական ազատության ու անկախության առումով ապացուցենք ինքներս մեզ, որ դադարեն տարաբնույթ ու անհեթեթ խոսակցությունները: Իսկ դրանք կդադարեն այն ժամանակ, երբ ինքներս մեր ուժին ու կայացված որոշմանը կհավատանք»,-այս մասին Հայելի ակումբում ասաց Հ. Թումանյանի անվան տիկնիկային թատրոնի տնօրեն Ռուբեն Բաբայանն՝ անդրադառնալով Արցախի անկախության 25 ամյակին: Բանախոսի խոսքով՝ մենք իսկապես կհասնեինք մեծ հաջողությունների, եթե արտաքին աշխարհին չհայտարարեինք, որ Արցախն անկախ պետություն է: «Հայտարարում ենք, որ այդպես է՝ դե՛, եկեք հասնենք դրան։ Չվերցնենք այդ սուվերեն պետության նախագահին ու չբերենք մեզ մոտ վարչապետ դարձնենք, հետո՝ նախագահ։ Թողնենք, որ այնտեղ զարգանա քաղաքական նորմալ պայքար, ամեն ինչով ապացուցենք, որ այն կայացած պետություն է»,-նշեց պարոն Բաբայանը,համոզմունք հայտնելով,որ մինչև ժողովրդի հետույքին չհարվածես,ինչպես նորածին մանկանն են հարվածում,նա երբեք ձայն չի բարձրացնի,չի շարժվի և լավ բանի չի հասնի: Ավելի մանրամասն՝ տեսանյութում
Հետևեք մեզ Viber-ում
