Արտակարգ դեպք Երևանում. հիվանդանոց են տեղափոխվել 2 քաղաքացի. մեկը հրազենային, մեկը` դանակահարված
Երեկ արտակարգ դեպք է տեղի ունեցել Երևանում: Ինչպես հայտնում է ֆոտոլրագրող Գագիկ Շամշյանը, Արմենիա բժշկական կենտրոն են տեղափոխվել 2 քաղաքացի, մեկը հրազենային, իսկ մեկը` սուր կտրող-ծակող առարկայից ստացած վնասվածքներով: Այս պահին հիվանդանոց է ժամանել ոստիկանության Երևան քաղաքի վարչության օպերատիվ խումբը` վարչության պետ, ոստիկանության գեներալ-մայոր Աշոտ Կարապետյանի, վարչության պետի օպերգծով տեղակալ, ոստիկանության գնդապետ Սարգիս Մարտիրոսյանի գլխավորությամբ: Ժամանել է նաև ոստիկանության Մաշտոցի բաժնի օպերատիվ խումբը` բաժնի պետ Դավիթ Սարգսյանի գլխավորությամբ: Դեպքի մասին տեղեկացվել են նաև Հայաստանի քննչական կոմիտեի Երևանի քննչական վարչության Աջափնյակ և Դավիթաշեն վարչական շրջանների քննչական բաժին, որտեղից ժամանել են քննիչները` բաժնի պետ Սահակ Գրիգորյանի գլխավորությամբ: Ֆոտոլրագրողը հայտնում է, որ բժիշկները ոստիկաններին և քննիչներին հայտնել են, որ վիրավորները գտնվում են վիրահատարանում և ի վիճակի չեն դեպքի մասին մանրամասներ հայտնել: Ոստիկանությունն ու քննչական բաժինը պարզում են վիրավորների ինքնությունը և ձեռնարկում են անհրաժեշտ օպերատիվ-քննչական համատեղ գործողություններ` հանցագործությունը բացահայտելու համար:
Հետևեք մեզ Viber-ում
