Իրաքում ահաբեկչության հետևանքով 700 մարդ է զոհվել
Իրաքում այս տարվա օգոստոսին շուրջ 700 քաղաքացի է զոհվել, հազարից ավելին տուժել են բռնության և ահաբեկչական գործողությունների հետևանքով: РИА Новости-ի փոխանցմամբ` այս մասին ասվում է ՄԱԿ-ի` Իրաքում աջակցության հարցերով առաքելության հայտարարության մեջ: «Ընդհանուր առմամբ 2016-ի օգոստոսին 691 իրաքցի է սպանվել, 1016 մարդ վիրավորվել Իրաքում բռնության, ահաբեկչության և զինված հակամարտության հետևանքով», - ասվում է առաքելության պաշտոնական կայքում հրապարակված հաղորդագրության մեջ: Ինչպես նշվում է առաքելության հաշվետվության մեջ, ամենից շատ տուժել է մայրաքաղաք Բաղդադը, որտեղ 231 մարդ է զոհվել, իսկ 676-ը` վիրավորվել: Իրաքում ՄԱԿ-ի գլխավոր քարտուղարի ներկայացուցիչ Յան Կուբիշը կողմերին կոչ է արել ձեռնարկել բոլոր հնարավոր ջանքերը Իրաքի խաղաղ բնակչությանը պաշտպանելու համար:
Հետևեք մեզ Viber-ում
