Մերկելն ընդունել է երկրի միգրացիոն քաղաքականությունում տեղի ունեցած սխալները
Գերմանիայի կանցլեր Անգելա Մերկելն ընդունել է երկրի միգրացիոն քաղաքականությունում տեղի ունեցած սխալները: «Մենք` գերմանացիներս, չափազանց երկար ենք անտեսել խնդիրը և մեզանից հեռացրել համաեվրոպական որոշման անհրաժեշտության մասին միտքը»,- հայտարարել է Մերկելը, փոխանցում է Deutsche Welle-ն: Կանցլերի խոսքով, շատ ներգաղթյալներ ժամանել են Եվրոպա 2004-ին և 2005-ին: Նա հիշեցրել է, որ Գերմանիայի իշխանությունները, որոնք նախկինում մեծ քանակությամբ փախստականներ են ընդունել նախկին Հարավսլավիայի երկրներից, ուրախ էին, որ այժմ այդ խնդիրը ստիպված կլինեն առաջնային կարգով լուծել այլ պետություններ: «Ես չեմ կարող դա հերքել»,- խոստովանել է Մերկելը: Ընդ որում, Բեռլինը բավականին երկար ժամանակ ընդդիմացել է ԵՄ-ում արդեն վաղուց հասունացած բարեփոխումների անցկացմանը, համաձայնվել է Մերկելը: Նրա խոսքով, դա, մասնավորապես, Շենգենյան գոտու արտաքին սահմանների պաշտպանությունն է: «Գերմանիան կմնա Գերմանիա այն ամեն ինչով, ինչը մենք սիրում ենք և ինչը մեզ համար թանկ է»,- նույնիսկ հարյուր հազարավոր կրկին ժամանող ներգաղթյալների ինտեգրումից հետո վստահ է Անգելա Մերկելը:
Հետևեք մեզ Viber-ում
