ՀՀ ՊՆ-ում ստուգումների անցկացման մասին լուրը նախարարը հաստատեց
«Վերջին տարիներին մենք բավականին լուրջ միջոցառումներ ենք ձեռնարկել զորակոչի արդարացի և ազնիվ անցակցման ուղղությամբ»,- այս մասին այսօր լրագրողների հետ հանդիպման ընթացքում ասաց ՀՀ պաշտպանության նախարար Սեյրան Օհանյանը՝ արձագանքելով լրագրողի դիտարկմանը, որ հաճախ սահմանին զոհվում են սոցիալապես անապահով ընտանիքների զավակները և որ այդ դեպքերում մարդկանց մոտ վրդովմունք է առաջանում, թե ինչպես է ստացվում, որ սահմանին կանգնում են սոցիալապես անապահով ընտանիքների և ոչ թե պաշտոնյաների կամ մեծահարուստների զավակները: Պաշտպանության նախարարի խոսքով՝ զինված ուժերում ըստ զորամասերի բաշխման ընթացքում ուշադրություն չեն դարձնում, թե զորակոչիկները որ ընտանիքներից են. Օրերս օրաթերթից մեկը գրել էր, որ առաջիկայում Սերժ Սարգսյանի հրահանգով իրավապահ մարմինները համակարգում ստուգումներ են սկսելու։ Ի պատասխան՝ Օհանյանը հաստատեց ստուգումներ անցկացնելու վերաբերյալ լուրերը՝ նշելով, որ դրանք պլանային են: Նախարարը, սակայն, չմեկնաբանեց, թե արդյոք նախագահ Սարգսյանը խի՞ստ խոսակցություն է ունեցել գեներալիտետի հետ, թե՞ ոչ:
Հետևեք մեզ Viber-ում
