Մահացել է Ուզբեկստանի նախագահը

 Տաշկենդի հիվանդանոցներից մեկի վերակենդանացման բաժանմունքում մահացել է Ուզբեկստանի նախագահ Իսլամ Քարիմովը: Այս մասին քիչ առաջ տարածել է Life.ru-ն։ Քարիմովը հոսպիտալացվել էր շաբաթ առավոտյան տեղի ունեցած գլխուղեղի արյունազեղման պատճառով։ Այսօր կեսօրին նրա վիճակը գնահատվում էր կայուն ծանր։ Ավելի վաղ հայտնել էինք, որ Ռիո դե Ժանեյրոյի Օլիմպիադայում երկրի մարզիկների հաջող ելույթի կապակցությամբ կազմակերպած խնջույքի ժամանակ Քարիմովը կորցրել էր գիտակցությունը: Այս մասին, հղում կատարելով կառավարությունում իր աղբյուրներին, հայտնել էին «Ուզբեկստանի Ժողովրդական Շարժում» ընդդիմադիր կուսակցության մամուլի ծառայությունից: Քարիմովը 78 տարեկան էր: Նա երկրի առաջին նախագահն էր 1991-ին ԽՍՀՄ-ից անկախություն ձեռք բերելուց ի վեր: