Պուտինը չի գնա ֆուտբոլ նայելու

Ռուսաստանի Դաշնության նախագահ Վլադիմիր Պուտինը չի պլանավորում ներկա գտնվել Անթալիայում կայանալիք Ռուսաստանի ու Թուրքիայի ֆուտբոլային հավաքականների ընկերական հանդիպմանը: Այս մասին, ինչպես հաղորդում է Lenta.ru-ի թղթակիցը, պատմել է Վլադիմիր Պուտինի մամուլի խոսնակ Դմիտրի Պեսկովը: Նրա խոսքով` նախագահը պլանավորում է «երկրպագել հեռակա կարգով»: Ավելի վաղ օգոստոսի 29-ին ԶԼՄ-ները հաղորդել էին, որ Վլադիմիր Պուտինը Թուրքիայի նախագահ Ռեջեփ Թայիփ Էրդողանի հետ խաղը դիտելու համար կմեկնի Թուրքիա: Նշենք, որ երկու երկրների հավաքականների հանդիպումը տեղի կունենա օգոստոսի 31-ին` «Անթալիա Արենա» մարզադաշտում, խաղը կսկսվի Ռուսաստանի ժամանակով ժամը 21:15-ին։