Աբու Դաբիի կայծակնային շախմատ. Զավեն Անդրիասյանը գրավեց 3-րդ տեղը

Արաբական Միացյալ Էմիրություններում ընթացող Աբու-Դաբիի միջազգային շախմատային փառատոնի շրջանակներում երեկ անցկացվեց կայծակնային շախմատի մրցաշար, որին մասնակցում էին 196 շախմատիստ, այդ թվում 17 գրոսմայստեր: Մրցաշարի հաղթող դարձավ Եգիպտոսը ներկայացնող Ադլի Ահմեդը: Զավեն Անդրիասյանը 11 հնարավորից վաստակեց 9-ը միավոր և գրավեց երրորդ հորիզոնականը: Մրցաշարին մասնակցող Հրանտ Մելքումյանը, Սամվել Տեր-Սահակյանը և Բրազիլիան ներկայացնող մեր հայրենակից Գրիգոր-Սևակ Մխիթարյանը վաստակեցին 8-ական միավոր և գրավեցին համապատասխանաբար 7-րդ, 8-րդ և 10-րդ հորիզոնականները: