Օլիմպիադայի լեհ մրցանակակիրը վաճառել է մեդալը, որպեսզի փրկի հիվանդ երեխային

Լեհ Պյոտր Մալախովսկին, որը Ռիո դե Ժանեյրոյում արծաթե մեդալակիր է դարձել սկավառակների նետման մարզաձեւում, վաճառել է իր մեդալը, որպեսզի օգնի երեք տարեկան տղային, որը տառապում է ռետինոբլաստոմայով՝ աչքի ցանթաթաղանթի չարորակ ուռուցքով, հայտնում է Newsru-ն:Նա Facebook-ի իր էջում տեղեկացրել է, որ 84 հազար դոլար նախնական արժեքով այն աճուրդի է հանում: Մալախովսկին չի հայտնել մեդալի գինը, բայց լրատվամիջոցների տվյալներով այդ գումարը բավականացրել է երեխայի բուժման կուրսի դիմաց վճարելու համար: Մեդալը գնել է երկրի ամենահարուստ ընտանիքներից մեկը: Ստացված գումարն ուղղվել է 3-ամյա տղայի վիրահատությանը, որը տեղի է ունեցել Նյու Յորքում և արժեցել է 126 հազար դոլար: