Սաներիս զգուշացրել եմ. Կոնտե
Լոնդոնի «Չելսի»-ի գլխավոր մարզիչ Անտոնիո Կոնտեն իր կարծիքն է հայտնել Անգլիայի Պրեմիեր լիգայի 3-րդ տուրի «Բերնլի»-ի դեմ օգոստոսի 27-ին կայանալիք հանդիպման մասին: «Ես հետևել եմ «Բերնլի»-ի` «Լիվերպուլ»-ի և «Սուոնսի»-ի դեմ խաղերին: Թիմը ֆանտաստիկ խաղ է ցուցադրում` ֆիզիկական և տակտիկական տեսակետից: Սաներիս զգուշացրել եմ, որ պետք է ուշադիր լինեն: Տրամաբանական է, որ խաղում կլինեն և դրական, և բացասական պահեր: Ես կընդունեմ երկու կողմերը` հետագայում ուշադրությունս սևեռելով բացասական կողմերի շտկմանը»,- լոնդոնյան ակումբի պաշտոնական կայքը մեջբերում է Կոնտեի խոսքերը:
Հետևեք մեզ Viber-ում
