Ռուսաստանի նպատակը Հայաստանում արյունահեղությունն էր. Հ.Խուրշուդյան

Ռուսաստանի ցանկությունը «Սասնա ծռերի» գործողությունների շրջանակներում Հայաստանում արյունահեղություն ունենալն էր: Այս մասին այսօր լրագրողների հետ հանդիպմանն ասաց Ժառանգություն կուսակցության անդամ Հովսեփ Խուրշուդյանը, ով օրերս է ազատվել կալանքից:Հայաստանի արևմտյան գործընկերները ՊՊԾ գնդի գրավման օրերին ՀՀ իշխանություններին հորդորում էին զերծ մնալ արյունահեղությունից, ի տարբերություն Ռուսաստանի, որը հստակ հայտարարություններ արեց, թե պետք է միջոցառումներ ձեռնարկվեն դրա դեմ: Ըստ Խուրշուդյանի՝ նույնիսկ Կրեմլից որակումներ էին տրվում «Սասնա ծռերին», ասում, որ այդ «ահաբեկիչների» դեմ քայլեր պետք է ձեռնարկվեն: Ինչպես տեղեկացրեց՝ Արեւելյան գործընկերության ֆորումը ՊՊԾ գնդի գրավման եւ դրան հետեւած իրադարձությունների ուսումնասիրության համար փաստահավաք խումբ է ուղարկել Հայաստան: Մեկ շաբաթից կհրապարակվի նրանց եզրակացությունը: Հովսեփ Խուրշուդյանի կարծիքով, իր մեկամսյա կալանքի փաստն ավելի մեծ վնաս հասցրեց իշխանությանը եւ Հայաստանին, քանզի միջազգային այն կառույցները, որոնց հետ ինքը համագործակցությունների մեջ է, առավել շահագրգիռ են հետեւել հայաստանյան գործընթացներին: Խուրշուդյանի խոսքով՝ Ռուսաստանից Հայաստանի այս կախվածությունը խիստ վտանգավոր է մեր անվտանության ու ներքին խնդիրների համար: