Հարկավոր է լիարժեք վերականգնել հարաբերությունները. Զախարովա
Թուրքիայի հետ հարաբերությունների վերականգնման ընթացքում, որին ուղղված են Մոսկվայի ջանքերը, հարկավոր է հաշվի առնել ե՛ւ փոխադարձ շահերը, ե՛ւ իրական իրադրությունը: ՌԻԱ Նովոստիի փոխանցմամբ՝ այս մասին օգոստոսի 25-ին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան: Նրա խոսքով՝ հարաբերությունների կարգավորումը մեկ օրվա հարց չէ: «Շատ դյուրին է հարաբերությունները փչացնելը, դրա համար մի քանի ժամ է հարկավոր, ինչպես պրակտիկան է ցույց տալիս: Ցավոք, սխալներն ուղղելու, եթե դրանք սխալներ են, հարաբերությունները նախկին մակարդակին հասցնելու համար շատ ժամանակ է հարկավոր»,- հայտարարել է Զախարովան: Պատասխանելով Մոսկվայի եւ Անկարայի հարաբերությունների լիարժեք վերականգնման մասին հարցին՝ նա նշել է, որ ոչ ոք ժամանակը գլխավոր գործոն չի համարում: «Ժամանակը շատ կարեւոր է, որպեսզի պահը բաց չթողնենք: Հարկավոր է լիարժեք վերականգնել հարաբերությունները՝ հաշվի առնելով ե՛ւ փոխադարձ շահերը, ե՛ւ իրական իրադրությունը: Մենք ջանքերը հենց դրան են ուղղված»,- նշել է ՌԴ ԱԳՆ ներկայացուցիչը:
Հետևեք մեզ Viber-ում
